Web Desk بھارتی فلم انڈسٹری کی ایک اور معروف سینیئر اداکارہ لیلا وتھی دنیا سے چل بسیں ان کی عمر 85 برس تھی۔
بھارت کی کناڈ فلم انڈسٹری کی معروف سینیئر اداکارہ لیلا وتھی دنیا سے رخصت ہو گئیں وہ طویل عرصے سے سانس کے امراض میں مبتلا تھیں اور انہیں چند روز قبل حالت تشویشناک ہونے پر بنگلور کے اسپتال میں داخل کیا گیا تھا۔
بھارتی میڈیا رپورٹس کے مطابق لیلا وتھی 1960 کی دہائی میں کناڈا فلم انڈسٹری کی پہلی خاتون سپر اسٹار بن کر سامنے آئی تھیں۔ انہوں نے اپنے کیریئر میں 600 سے زائد فلموں میں کام کیا جس میں نصف سے زائد کناڈا زبان میں تھیں۔
اداکارہ لیلا وتھی کے انتقال پر بھارتی وزیراعظم نریندرا مودی سمیت مختلف بھارتی شوبز شخصیات سمیت نے دکھ اور افسوس کا اظہار کیا ہے۔
واضح رہے کہ چند روز قبل بھارت کے معروف کامیڈین جونیئر محمود کا انتقال ہوا تھا۔ انہیں موت سے چند روز قبل کینسر کے مرض کی آخری اسٹیج میں تشخیص ہوئی تھی۔
